أرجو التفسير

السلام عليكم ورحمة الله
أولا : البيانات المطلوبة
أنا بنت غير متزوجة وطالبة جامعية

ثانيا : الحلم بقى

زمان وأنا كنت فى ثانوى حلمت بحاجة غريبة لسة معلقة فى ذهنى ومش بنساها أبدا مع أنى محلمتش بيها تانى
حلمت أن الجو ليلا والسما اتفتحت وخرج منها جسم كروى غريب لونه شفاف بس شكله مش بيخوف بالعكس ده كان جميل
المهم أن كنت أنا وأخويا كان هو ساعتها فى المرحلة الاعدادية دخلنا البلكونة فهو خاف ورجع وأنا دخلت قعدت على الارض فى البلكونة ولقيت أن الجسم ده نزل من السما ونزل اتحط قدامى فأنا قعدت أقول لا اله الا الله من جماله وأرددها أكتر من مرة وبكيت ساعتها مش عارفة ليه وأنا بردد
ومن ساعتها وأنا نفسى أعرف تفسير الحلم ده
أرجو الرد وجزاكم الله خيرا